diplomatix

Siste dag

2006-06-07T11:51:00.000+01:00

Eg har bunkar igjen å arkivere, det kjem eg til å legge godt skjult. Eg har to timar på meg til flyet går, og er litt stressa. Men eg er glad for at vi skal heim, sjølv om det har vore fint her nede.

Dermed erklærer eg bloggen "diplomatix" for avslutta. Takk for meg.

Ungdommen

2006-06-07T11:49:00.000+01:00

På søndag var vi ute og gikk ein tur, og i parken i Barreiro var det ungdomsmønstring med hiphop og rap frå ei svær scene. Morsomt å sjå portugisisk ungdom, frå alle verdshjørner, som viser sine kunster. Fin avslutning på opphaldet her nede.

En reise i norsk film II

2006-06-07T11:47:00.000+01:00

På mandag var eg eskorte for Filminstitutt-folka på møter og sightseeing i Lisboa i 35 graders varme. Så var vi på mottakelse i Setúbal, før vi klokka halv ti på kvelden dro på ny mottakelse ved Cinemateket i Lisboa. Cinemateket var merkelege som vanleg, sjefen var "sjuk" og kom ikkje, det var totalt 6 personar på mottakelsen, inkludert oss frå ambassaden, og dei hadde innleid to fotografar.

Filmen "Gategutter" frå 1949 var heller ingen höjdare, men det var morsomt å sjå Pål Bang-Hansen som gategutt.

Men Tiago dukka opp igjen, trufast filmfan som han er.

Terje Vigen

2006-06-03T22:41:00.000+01:00

I går var det ein hektisk, men fantastisk fin dag. Vi dro ut på flyplassen i to-tida og henta først direktøren for filminstituttet, og så kjørte vi innom hotellet der Ketil Bjørnstad budde, og deretter vidare til Setúbal. Veldig trivelege, pratsomme folk. I Setúbal hadde vi lydsjekk og møtte leiinga for filmfestivalen, og så tok vi det med ro til kvelden.

Barbara kom klokka åtte, og då klokka nærma seg ni, var det allereie stappfullt i kinosalen.

Så følgde ei høgtideleg åpning av festivalen, på portugisisk og engelsk, og så gjekk lerretet til side, vi fekk sjå filmen Terje Vigen frå 1917 med livemusikk framført av Ketil Bjørnstad på flygel frå scena.

Det var trampeklapp i salen, og fleire var rørt til tårer. Ei ekstraordinær filmoppleving.

Etterpå presenterte regissør Bent Hamer filmen Factotum, og deretter vart den norske delegasjone geleida ut for å spise middag. Meg og Barbara satt ved sidan av Ketil B., og all praten gjekk på norsk. Hatten av for Barbara! Vi dro heim seint på kvelden, og var einige om at det hadde vært ein fin kveld.

Fant på Cinemateca

2006-06-03T10:36:00.000+01:00

På torsdag var eg utsendt frå ambassaden, som ambassadens kulturattaché (!) i dress og slips for å overvære åpninga av den norske filmsyklusen på Cinemateket. Filmen starta 21:30, og før visninga blei eg tatt i mot av sjefen sjølv, og vi måtte venta utanfor kinosalen til bjella hadde ringt to gonger, og vi konverserte mens fotografen tok bilder. Direktøren hadde førebudd seg godt, og sjekka faktaopplysningane sine hos meg før vi gikk inn. "Det stemmer at Tancred Ibsen var sønnesønn av både Ibsen og Bjørnson, ikke sant?"
Og plutselig dukka Tiago, min brasilianske venn, opp! Eg hadde invitert han, men rekna ikkje med at han kom. Litt komisk situasjon, "give me five" liksom mens eg sto der med den 70 år gamle direktøren og venta på å bli innkalt.

Så gikk vi inn, og direktøren holdt ein lang introduksjon for dei fem som satt i salen om norsk film, Tancred Ibsen, klassisk cinematografi osv. osv.

Så gav han mikrofonen til meg, og eg hadde heldigvis forberedt meg, så eg takka og bukka, og på vegne av den norske stat var eg veldig beæra osv. osv.

Så satte eg meg med Tiago og pusta ut. Han applauderte.

Så satt vi og såg "Fant" med Alfred Maurstad i hovudrolla, med sjøfantar og sørlandsidyll og det eine med det andre.
Ganske spesielt å sitte i eit ærverdig gamalt filmteater i Lisboa og sjå på ein gamal norsk filmklassikar.

En reise i norsk film

2006-06-01T09:41:00.000+01:00

I kveld blir det visning av "Fant" frå 1937 på Cinemateket. I morra skal vi hente Ketil Bjørnstad på flyplassen og ta han med til Setúbal, der han skal kompe "Terje Vigen" frå 1916. Det blir stilig.

Programmet for Cinemateca

Festroia-festivalen i Setúbal

VM bl.a.

2006-06-01T09:30:00.000+01:00

Traff min brasilianske venn Tiago her om dagen, vi studerte musikologi saman her i Lisboa. Fantastisk fin fyr, morsom og pratsom. Typisk Rio-folk. Han sa han var interessert i å komme og sjå på norske gamle filmar i helga.

Som han sa, så har Norden rykte på seg for å vere bra på det meste, så då må jo filmane vere bra.

Den 11. juni skal Angola og Portugal spele saman. Mirakuløst nok har Angola kome til VM, og endå meir mirakuløst har dei hamna i samme gruppe som Portugal. No kan ein få kjøpt angolanske og portugisiske flagg på alle gatehjørner.

Ei uke igjen

2006-05-31T09:31:00.000+01:00

Heldigvis er hetebølga over, og i dag blir det kanskje til og med litt regn.

I går kom omsider filmrullane frå Norge til dei to filmfestivalane som skal vise norsk film her i Portugal. I morgon åpnar filmsyklusen på Cinemateca her i Lisboa med "Fant" frå 1937, og med Alfred Maurstad i hovudrolla. Blir sikkert stappfullt...

På fredag skal det vere åpning av festivalen Festroia i Setúbal, med "Terje Vigen" frå 1916, akkompagnert live av Ketil Bjørnstad. Får håpe det er mange nok spesielt interesserte.

Varmt

2006-05-26T17:47:00.000+01:00

Det er 32 grader og sol her i Lisboa no. Slik eller verre blir det fram til september, minst. Eg kom akkurat heim. Etter 1 og ein halv time på buss, tog og båt og buss igjen. Eg kan ikkje fordra varme. No er det 11 dagar igjen til vi drar.

Tilbakeblikk II

2006-05-26T13:55:00.000+01:00

Bilder frå turen til Azorene og Porto med jobben.

Tilbakeblikk I

2006-05-26T13:41:00.000+01:00

Her er bilder frå siste tiders evenemanger.

17. mai:

Master of the universe!

2006-05-23T09:19:00.000+01:00

No har eg levert masteroppgåva! Omsider har eg begynt å forstå det. Deilig. Det viktigaste er å stå, og det trur eg at eg gjer.

No er det to veker igjen til vi drar heim. På plakaten er to filmfestivalar med norsk film i fokus.

Oppdatering

2006-05-15T10:38:00.000+01:00

På tide med ei lita oppdatering. Har ikkje skrive på ei stund, og grunnen til det er at eg skal levere masteroppgåva mi om 6 dagar.

I mellomtida har eg hatt besøk av tante og onkel, vore på tur med jobben til Douro, Porto og Asorene, og har møtt Jo Strømgren Kompani i Montemor-o-Novo.

Barbara sto på teoriprøva!

2006-04-24T09:37:00.000+01:00

Ho har lest dag og natt i fleire veker no, og har vore så nervøs fordi det var så mange som strauk på prøva. Av ein eller annan grunn så ville ho ikkje fortelje meg når ho skulle ta den, men så ringte ho meg i dag på jobben og sa at ho hadde stått på teoriprøva!!!

Cinema Paradiso

2006-04-21T23:49:00.000+01:00

Denne veka har min overordna vore bortreist, så eg har hatt mange oppgåver, telefonar å ta, e-postar å skrive, og møter eg måtte gå på aleine. Eg var litt spent foran Cinemateket-møtet. Sist gong vi var på møte for to månader sidan, var filmpresidentens kontor litt som å vere på audiens hos Don Corleone i Gudfaren. Men det gikk bra. I dag var eg observatør i ei styringsgruppe som skal vurdere prosjektsøknader til EØS-pengar. Puh!

Påsketur

2006-04-20T19:50:00.000+01:00

Planene våre om å dra nordover til Porto gikk i vasken, og det same gjorde planen om å dra sørover til Algarve. Så då drog vi på dagstur til Óbidos, rett nord for Lisboa. Ein fantastisk fin middelalderby omgitt av ein bymur. Det er ulovleg å køyre bil innanfor bymurane, og det går an å gå langs muren og nyte utsikten.
Vi fekk med oss ein gratis klassisk konsert i kyrkja med vokal og piano. Fine greier.

Økonomisk samvelde

2006-04-11T15:23:00.000+01:00

Det var eit stort seminar for søkjarar til EØS-finansieringsordningane i Portugal forrige veke, som vi på ambassaden har jobba mykje med. Det kom fire-fem folk frå EFTA nedover og seminaret blei ein suksess med stappfullt auditorium.
Besøk til ambassaden innebér sjølvsagt middagar, og eg har no vore på endå ein fin portugisisk restaurant. Etter seminaret var det uformell middag i ambassadørens og hans frues residens. Med treretters middag, bordkort med gullskrift og anonyme kelnarar.

Eldreutflukt

2006-04-07T21:02:00.000+01:00

På søndag var vi på utflukt med bestemor. Vi blei henta av turbussen klokka halv åtte, og fekk sitje fremst i dobbeldekkaren på veg til ukjent destinasjon. Det var ca. 50 deltakarar på utflukten, organisert av ein eldre ildsjel i lokalsamfunnet. Det var åpenbart mindre viktig korhen vi skulle, for bestemor var ikkje sikker. Men det skulle bli lunsj og middag og mykje skravling. Vi hadde fin utsikt frå bussen, men det var tøft å måtte utstå ein og ein halv time med portugisisk dansebandmusikk.

Så kom vi fram, det var ein fin restaurant der det sto fem andre turistbussar stappfulle av eldre. Så spiste vi lunsj, drakk kaffi, prata, høyrte på portugisisk dansebandmusikk, dansa litt, prata litt. Så spiste vi middag, drakk kaffi, prata, slappa av, så drog vi heim. Noko som innebar nye 90 minutt med portugisisk dansebandmusikk.

Prestebesøk

2006-04-05T23:17:00.000+01:00

Pater Armindo var innom oss på ein av turane sine ned til Lisboa. Det var veldig hyggeleg, han inviterte oss ut for å spise, og vi fekk sett Barcelona x Benfica-kampen.

Madrid

2006-03-30T10:36:00.000+01:00

I helga var vi i Madrid! Vi fekk veldig billige billettar gjennom Vueling, og Bárbara hadde lyst til å dra på ei interiørdesign-messe. Vi budde på fint hotell den første natta, med ordentleg designrom og superhipt interiør. Dei to siste nettene sov vi på 1-stjerners pensjonat litt lenger unna sentrum. (På avstand såg det ut som at skiltet hadde to stjerner, men det viste seg å vere 1 stjerne + 1 katt. Lurt triks.)

Madrid er totalt forskjellig frå Lisboa. Kan minne litt om Paris, i og med at den er stor, bråkete, stappfull av folk til alle tider, dårleg luft og med svære ærverdige avenyar og bygg. Her i Lisboa kan du stå midt i sentrum og få oversikt over heile byen, i tillegg har dei vatn, medan i Madrid måtte vi gå med kart i handa heile tida, og du får aldri oversikt. Madrilensarane er forskjellige også, på ein måte er dei meir "europeiske" i og med at det er mykje mote, mindre skjorter og slips slik som her i Lisboa. Samstundes er dei veldig spanske, for eksempel i matvegen. Dei ét jo middag halv tolv på kvelden, så ein kan fint bestille bord klokka ni berre ein er ute av restauranten innan klokka 11...

Sosialt

2006-03-30T10:28:00.000+01:00

Vi har gjort mykje i det siste. Sist fredag spiste vi lunsj med Geraldine på fredag, og på laurdag hadde vi ambassadesekretæren og hans kone og datter på lunsj hos oss her i Barreiro. Det er veldig trivelege folk, omtrent på vår alder. Vi prata og sang barnesongar og spiste god bacalhau som Bárbara sin bestemor hjalp til å lage dagen i forvegen. Det hender ofte ho er innom oss på veg heim frå jobb og når vi er heldige så lagar ho mat til oss.

Så hadde vi middagsbesøk av ei av Barbara sine forlovarar, Iracema og søster hennar Juseneide (stilige navn?) og to yngre og ganske fåmælte brødre. Dei er eigentleg frå Angola, men har budd her i Portugal i mange år for å studere, med hjelp av foreldra som bur i Angola.

Iracema har nyleg fått seg fast jobb som lege og skal snart velje kva felt ho skal spesialisere seg på.

Geraldine

2006-03-20T22:47:00.000Z

meg og geraldine
På laurdag traff vi Geraldine, den brasilianske vertssøstera mi, og dotter hennar Isabela på seks, og som ikkje var fødd sist gong vi møttest. Det er no 11 år sidan eg dro til Brasil for første gong og stifta bekjentskap med familien Killing, lærte meg portugisisk, reiste rundt og opplevde ein heil masse ting. Det var eit svært triveleg gjensyn, vi spiste lunsj og prata om laust og fast. Ho er her på grunn av ektemannen, som spelar volleyball på Benfica.

Mussulo

2006-03-16T13:32:00.000Z

Vi var på afrikansk diskotek i går. Mussulo er eit av dei mest kjente (i tillegg til å vere namnet på ei øy i Angola) og onsdag er tydelegvis "lille lørdag" her nede også. Det var moro, nesten som eit vanleg diskotek, berre med festlegare musikk og stiligare folk enn i Norge. Flinkare til å danse er dei óg.

I retten

2006-03-16T11:48:00.000Z

Var i retten i Setúbal i går for å følge opp ein norsk statsborgar som er fengsla og tiltalt. Det er ein stor smuglersak med 47 tiltalte og like mange advokatar. Eg fekk vere med i bua til den danske tolken som sat der og simultantolka. Endeleg fekk eg sett ein portugisisk rettssak, etter å ha vore i ein del norske rettssalar. Som forventa har dei eit litt laust forhold til tid, og det var eit par advokatar som kom ein time for seint, tok ein time ekstra lunsj, osv. Og sjølve rettsmøtet var ca ein og ein halv time forsinka. Elles hadde eg forventa eit gubbevelde av advokatar, men halvparten var unge damer.
Dei har smugla alkohol ut av landet skjult i tankbilar, og den portugisiske stat ser svært alvorleg på avgiftsunndragelse.

Tolken sa han har blitt hyra fram til oktober...
Ein lang dag. Eg må ut tid seinare også for å bevitne sjølve forhøret av nordmannen.
Artikkel i avisa

Lunsj

2006-03-13T17:29:00.000Z

På fredag var eg og førstesekretæren på lunsj i ambassadøren og hans frues residens.